上月在西班牙閃婚的梁詠琪（GiGi），近日已閃電回港開工，心廣體胖發福了的她，否認有喜，但坦言希望有福份明年做媽咪，生個混血龍BB。提到前男友鄭伊健傳結婚，GiGi即大方恭喜，更表示會親自致電祝賀。
現年35歲的梁詠琪上月和西班牙籍男友Sergio在西班牙結婚，蜜月過後，兩人齊齊回港。前晚她在金鐘出席名牌萬寶龍活動，看來心廣體胖了，連身裙肚位有皺褶的設計，她即時否認有喜：「一定唔會，唔係呀，我哋有共識，睇吓下年有冇緣份同福份有龍BB啦，家就一定唔係。」
婚後心情輕鬆
GiGi表示結婚是件很幸福的事：「結咗婚、公開後，大家好接受，我心情都好輕鬆，會爭取多啲時間同老公相處，老公今個月走，希望遲啲可以陪佢同屋企人。」幾時一齊定居？她說：「呢三、四年都想多啲時間喺香港。」生BB之後呢？她說：「要同雙方家長商量吓先決定。」
往年萬聖節GiGi會與好姊妹楊采妮等在屋企過節，今年就陪老公去蘭桂坊，她說：「係即興決定，想去睇吓見識吓，第一次兩個人大搖大擺咁喺蘭桂坊玩，本來我扮Catwoman，佢扮Batman，但為安全計，最終都係戴個只露出眼嘅面具。」她更透露曾經和老公兩個人在香港拍拖坐電車，自己比老公更開心。
提到有傳鄭伊健和蒙嘉慧也結婚，GiGi即大為恭喜：「如果係真，真係恭喜佢，行內又多件開心事，到時我會打電話畀佢祝賀佢。」
家輝自言爛命
同場的張家輝早前在上海賽車，最終炒車，他說：「我都係爛命一條四圍撞人，懶搏命以為好free，啲人覺得我好狠，其實我係唔識路亂嚟。」還指大會請他年底再去比賽，可惜撞期要拍片，無緣再玩。
採訪：盧妹
攝影：仇志德
