女星「癲鳳」轉咗新經理人後，是非多到不得了，佢間新經理人公司周圍辣火頭，終於辣㷫咗紅女星「小章魚」，小章魚本身都唔係省油嘅燈，以前就只有佢借人上位，家佢俾癲鳳食住嚟上，係咁借佢嚟宣傳自己，小章魚梗係嬲到爆炸啦，私底下同啲圈中朋友係咁呻，話癲鳳嗰邊嘅手段好cheap，小章魚為防癲鳳再借佢嚟製造話題，佢同電影公司事先講明，如果兩個人一齊開工，索性唔好畀傳媒嚟採訪，盡量唔好安排佢兩個同場做宣傳，仲話以後如果要接戲，有癲鳳嘅話，小章魚就一定唔會接，講到底小章魚嘅market已經世界通行，佢咁講擺明想暗中封殺癲鳳。
撰文：關仁