論級數，皇家馬德里何止高里昂一班，不過周三歐聯D組分組賽，皇馬作客里昂只需一分就出線，加上里昂主場與皇馬交手紀錄並不差，博主隊不敗，取[+1]「主勝」。（球賽編號：星期三8；有線62及202台明日3:45am直播）
皇馬就近況而言可算是歐洲最頂尖球隊，連同盃賽已累積8連勝，上輪分組賽更主場大勝里昂4:0，看似冇得打；而教練摩連奴大玩輪換制亦十分出色，單箭頭希古恩或賓施馬出任正選，都有貨交，而預料上仗小勝皇蘇一役中，只列後備的賓施馬及卡卡，有望復任正選。
皇馬對賽往績差
不過皇馬在分組賽已3連勝，今仗再添一分已足夠出線，未來聯賽惡戰連場，皇馬縱有雄厚兵源，教練摩連奴也不想球隊谷盡；事實皇馬訪里昂戰績平平，4度作客只得1和3負，傷兵亦有卡維奴、艾比奧爾、格尼路等，艾比路亞亦上陣成疑，1.45倍客W實熱得過份。
對比起上輪作客馬德里，里昂陣容上亦有改善，老牌中堅克里斯已復出，有助穩定軍心，中場大腦哥古夫經過多場復出，狀態亦漸冒起。但可惜是巴西左翼米高巴斯圖斯弄傷小腿，上仗聯賽擊敗聖伊天一役已休戰，今仗也與文沙、利辛度盧比斯等長期傷兵缺陣。
論近況，里昂也並不太差，尤其主場出擊，今季未嘗一敗之餘，更累積7連勝；近兩屆歐聯主場亦未嘗一敗，對上一次歐聯主場輸波，已是10年4月不敵拜仁慕尼黑。當然以里昂實力，主場對皇馬搶得一分已有交代，博2.45倍「主勝」外，4.05倍「D」也值得小敲。文：牽牛
星期三8
里昂vs皇家馬德里 1:1
半全場：和/和
盤口：里昂[+1]
讓球主客和：H主勝