近期女星吹起超高高跟鞋熱，容祖兒、蔡卓妍、楊千嬅也是狂熱分子。來年等生仔的千嬅，一早被老公丁子高禁止再穿高跟鞋，她前日又暗中以六吋高高跟鞋出席活動，更自爆早前做gym跌傷腰骨，與老公都擔心生育大計受阻。
楊千嬅、AmandaStrang、鄧愛嘉、周嘉玲和設計師何志恩等，前日在上環出席英國文化局與《Vogue》China舉行的英國設計師推廣會。千嬅身穿Givenchy豹子裙，踩着六吋高高跟鞋，早前老公丁子高表明禁止千嬅穿高跟鞋，她說：「都係落車先換，着一陣之嘛，家都好少着㗎喇。」她自言以前是名副其實的鞋狂，喪買高跟鞋：「一季至少買20對，家有贊助，好咗好多，cut咗至少一半數量。」
未獲Wyman邀請
丁子高禁止千嬅穿高跟鞋，怕她跌傷腰骨，她說：「兩個星期前去做gym，成個人跌咗落嚟，真係扭親啲骨，好彩冇大礙，我同丁生都好緊張。」潮人黃偉文（Wyman）明年將在紅館開演唱會，千嬅曾跟他傳不和，雖然Wyman去年也有出席她婚禮，但演唱會請了眾天后，獨缺千嬅，千嬅說：「我係未有邀請，佢寫嘅歌都係陪住自己成長，我都有唔少歌係佢打造出嚟，希望佢有個goodshow啦，我諗唔係大家咁諗嘅，免得越描越黑。」
何志恩縫70針
同場何志恩手上貼滿膠布，她說：「差啲以為自己淋巴癌，因為切咗好多脂肪粒，全身成23粒，underarm試過有成個乒乓波咁大，好彩唔係惡性，早排做咗手術切，全身麻醉，縫咗70針。」她表示是家族遺傳，相信與工作壓力太大有關。
採訪：梁錦雯 攝影：陳順楨