「不倒胸」何佩瑜（Jeana）、羅仲謙和楊愛瑾等昨日在黃埔出席手機電訊活動，提到陳冠希（Edison）與16歲模Cammi親嘴相曝光，Jeana寸爆說：「家啲小妹妹幾易，可能Halloween佢收到糖果好開心，我冇咁易。」Jeana表示不認識Cammi，也覺得是她放料。
是否覺得Cammi想博出位？Jeana冷嘲說：「但佢都唔出位，幾麻煩幾棘手，希望佢入番正途讀番書，讀多幾年書，家咁做，放棄咗自己嘅將來，除非男友肯同你一世，但應該唔會，你估個個都做到Selina咁幸福咩。」
撐Edison非賤男
Jeana坦言曾為陳冠希旗下品牌影硬照，曾交換電話，有否被陳冠希追求？她說：「只係message過，我出寫真佢有恭喜我。」Edison影過淫照，會否揀他做男友？Jeana說：「佢外在好吸引，但熱情啲好啲，我唔會好似小妹妹咁易。」她又力撐陳冠希可能是被動，不算是賤男。羅仲謙則說拍拖也不敢影親嘴相，會否怕女仔借他上位？他說：「借都唔借我啦。」
採訪、攝影：溫敏芝