【本報訊】一張違例泊車定額告票，掀起一場警員被撞羅生門事件。前晚深夜11時許，廣東道333號尖沙嘴消防局對開「黃格仔」，停泊一輛約22萬元紅色意大利愛快羅密歐房車，該處是消防車出入通道。身穿西裝姓謝男司機（55歲）坐在車上。兩名尖沙嘴分區軍裝部電單車巡警見狀上前，編號54631警員發出告票後，現場發生房車與警員碰撞意外。在場另一警員，立即喝令房車司機「停車熄匙」，向上峯報告事件要求增援。多名警員到場調查，懷疑有人開動房車，司機位倒後鏡意外撞倒受傷警員。
司機指警員自己挨埋嚟
姓謝司機說︰「根本就撞唔倒，係差人有表演慾，自已挨埋嚟，就話我撞倒佢。」謝又說︰「佢自己擰轉身，（腰間）個袋撞倒倒後鏡，就講我撞倒佢……跟住咪報警囉……（警員）無瞓低，仲精神過你（記者）！」之後謝又說︰「咁都告得嘅？法律都掉轉，佢哋（警方）鍾意，我咪使啲律師費囉！差人可以咁嘅咩？」受傷警員事後聲稱，票控時曾遭人粗言穢語「問候」，又被人用手機拍攝肩章警員編號。
