圈中模範夫婦袁詠儀（靚靚）與張智霖（Chilam）昨日在沙田出席慈善活動，Chilam踢爆太太靚靚開天價為他與魔童接廣告，靚靚指若廣告商出得起錢實在無妨，不過Chilam就不想兒子曝光，想他專心讀書。
袁詠儀與丈夫張智霖昨日到沙田出席「新城市廣場點滴環島單車賽」，為中國西北部籌款興建水窖及塘壩，兩人更擔任評判選出最佳造型的參賽者，最後以扮LadyGaGa的男參賽者獲獎，Chilam表示因為該參賽者的腋毛引起他留意。
父子檔拍廣告
靚靚表示因為是慈善活動兼自己是榮譽顧問，才肯以夫妻檔亮相，靚靚說：「之前都有同Chilam分享去山區探訪嘅經驗，都希望佢可以到當地探訪。」Chilam表示若兒子魔童可以應付氣壓及高山症的話，都想帶他到山區體驗。
問到可有廣告商邀請夫妻檔拍廣告？靚靚說：「多數都想搵Chilam同囝囝父子檔。」在旁的Chilam即踢爆太太獅子開大口，想以天價幫兩父子接廣告，問到靚靚是否想嚇怕廣告商？靚靚說：「唔係呀，如果畀到都肯做。」不過Chilam則說：「我唔係好想個仔曝光，想佢專心讀書，做返學生。」
夫妻檔會反面
至於夫妻檔，靚靚說：「娛樂圈好多情侶檔，好難開天價，其實好耐之前都一齊拍廣告，分開拍OK，如果一齊拍就好怪。」會否一齊拍劇，她說：「唔會喇，之前試過，反面咁滯。」
採訪：黃曉然 攝影：黃偉雄
