關仁隱事:阿花利用阿癡數小天使 - 關仁

關仁隱事:阿花利用阿癡數小天使 - 關仁

阿花同阿癡真係幾鬼姊妹,阿花同整容先生拍拖後,知道男友前女友小天使搭上內地帥哥蛋糕後,一直好唔妥對方,有次佢同阿癡講起小天使壞話,阿癡周圍問人攞蛋糕電話,然後打畀蛋糕,話佢同啲咁嘅女人一齊,叫佢最好小心啲,遲早俾人飛。
蛋糕事後都覺得莫名其妙,因為同阿癡未見過面,大家連普通朋友都唔講得係,但阿癡咁唐突打電話嚟數臭佢女友,蛋糕都冇聽完佢講嘅嘢就收佢線。阿花精人出口,阿癡真係有啲笨,咁蠢俾人利用。
撰文:關仁