開心飛起2：無樂園迪士尼酒店　高飛濕身陪釣魚

開心飛起2：無樂園迪士尼酒店　高飛濕身陪釣魚

DearMickey,
我現在正身處夏威夷度假，係咪好羨慕我呢？咦，你知唔知道我哋公司迪士尼，在歐胡島開咗間新度假酒店？好大好正呀。唐老鴨話我知，呢度係公司近年開發的其中一座不附設在主題樂園旁邊嘅迪士尼酒店，即係話，我哋可以齋玩唔使做啦，快啲過嚟度假啦！
YourPal,Groofy

喪玩三十萬五千呎水世界

好啦米奇，等我高飛講多啲你知。全名叫Aulani,aDisneyResort&Spa,KoOlina，最大特色係酒店建築有夏威夷原住民風格，座落歐胡島之南邊，Resort外有個好靚的Lagoon。不過相比海灘，我更鍾意酒店裏面嘅水上樂園，足足三十萬五千呎，有條環繞resort嘅開心河，亦有幾條滑水梯設在細路仔嬉水池裏面，配合定時滿水傾倒嘅機關，保證濕身兼狂奔。我見有個浮潛水池，灌注海水並飼養了150多種珊瑚魚，小朋友可一嘗浮潛滋味，另一邊小山洞有兩塊玻璃窗竟然見到池底嘅魚，當有人浮潛經過，我會同佢sayhi。

■我最愛這條開心河，輕輕鬆鬆浮在水面。

■大小細路都全情投入玩滑梯。

■從客房的露台可飽覽這三十萬五千呎的水世界。

■Resort的水上樂園外有Lagoon，雖然不算是私人灘，但非常寧靜，幾乎只招待這幾家酒店的客人。

主角隨時現身送驚喜

酒店有部份客房係會員制，屬於VacationClub的套房，露台望到全個水上樂園風景。我問咗職員，會唔會定時有啲老友記在resort出現呢，佢用神秘又蠱惑的口吻話，好難講㗎，喺迪士尼酒店咩都會發生。我就一般會着住夏威夷衫，一副度假look，於下午四點走出去水上樂園同小朋友玩釣魚影吓相，小朋友開心到差啲搵我陪佢哋玩水濕身呀！米奇，聽講你女朋友米妮間中會於早餐時段出現喎，其實，你究竟係咪都會一齊出現？

■只要細心尋找，總會發現米奇的蹤迹。

■水上樂園有趣之處，是充滿一層又一層的水池，水的元素豐富。

■下午四點，高飛出現了，同小朋友齊齊釣魚。

■在沙灘上遇上來度假的姐妹，她們說愛沙灘也愛泳池，不過沙灘似乎較適合成年人。

■這個水上樂園最精采之處是有個真正海水池，飼養了150條珊瑚魚。

Aulani,ADisneyResort&Spa,KoOlina
地址：92-1185Ali'inuiDrive,Kapolei,Hawaii96707
電話：（1）8086746200　
房價：入住一晚，由$3,098起
交通：由Honolulu駕車前往約30-40分鐘
網址： http://resorts.disney.go.com/aulani-hawaii-resort/