近日有份參演無綫新劇《東西宮略》嘅何傲芝，噚日佢喺微博自爆話拍《東》劇時暈低，感謝工作人員照顧。噚日馮仁昭打電話問何傲芝，佢話之前腸胃炎又屙又嘔，到前日凌晨5點半化妝開工，一去到場地即刻暈低，佢話：「好在啲同事即刻扶住我，跟住叫保安，之後睇醫生話我血糖低，家冇乜大礙。」馮仁昭都祝佢快啲好番啦！