今年特別多女星閃婚，莫文蔚（Karen）上月1日跟17歲初戀男友、德籍的Johannes在意大利酒莊舉行婚禮。她度了整整一個月蜜月後，昨日回港復工，問到有否不捨得老公，她即發嬌嗔，又謂下月將在港舉行派對，但未決定是否邀請舊愛星爺、馮德倫。
莫文蔚上月和德籍男友Johannes在意大利結婚，之後歐遊度蜜月。她昨日放完長假返港，下午2時，Karen由倫敦抵港，容光煥發、春風滿面，見到記者接機主動打招呼，她說：「走咗兩個月，第一個月籌備婚禮，第二個月去honeymoon，去咗好多酒莊，因為我哋兩個都鍾意飲紅酒。」
冇計劃生BB
自言投入工作的Karen，會宣傳《東成西就2011》，老公也已經回國開工，問她新婚即要分隔兩地，不會不捨得？她即少有地忸怩、發嬌嗔說：「有啲㗎。」蜜月不設防？她即大反應說：「唔係呀，冇諗住生呀，冇plan到要BB喎。12月老公都會嚟香港，因為上次意大利婚禮只係好小型，香港啲朋友都冇慶祝，所以12月18日會喺香港搞party，請舊同學、親友同圈中人。」
Karen謂派對會和上次意大利婚禮一樣，會將來賓禮金捐錢做善事。問她可會請周星馳、馮德倫等？她即說：「未諗到guestlist喎，12月圈中人好忙，又好多聖誕活動。」即請不請他們？Karen尷尬說：「真係冇諗喎，我都未知老公會留香港幾耐，歐洲人鍾意白色聖誕，我都會同佢一齊飛。」
強調工作照舊
至於老公的仔女，Karen表示他們要上學未必來港，她最後強調：「婚後我唔會減少工作，但時間上要分配得好啲。」Karen離開機場時，沿途有多個市民跟她握手道賀。
採訪、攝影：譚倩宜