【記者伍雅謙報道】團購問題多籮籮，除顧客外，商戶也應小心！有食肆與團購網GROUPON合作推出優惠，吸引近2,000人惠顧。惟不少顧客在優惠到期日前才訂位，食肆始料不及，欲聯絡GROUPON商討解決辦法。豈料商戶及顧客均無法與GROUPON取得聯絡，熱線電話如同虛設，商戶已提供服務但未收錢、顧客已付款卻未兌換服務，兩者同感無奈。
謝先生8月在GROUPON網站以118元購買SPACEclub&lounge一個聲稱原價330元的晚餐優惠，有效期至明日。謝見優惠吸引，遂購買兩張優惠券，總值236元。他在上星期一致電食肆訂位，方悉預約已爆滿至優惠到期日。
「打咗兩日冇人聽」
謝遂致電GROUPON查詢可否延長優惠或退款，「打咗兩日都冇人聽，sendemail又唔覆，食肆都話想聯絡GROUPON解決件事，但佢哋都聯絡唔到！」
本報致電SPACEclub&lounge了解，該店經理Ivan坦言，未料到顧客會在優惠到期前一周才訂位，「星期一已經接到100個預約，我哋得30幾個位，真喺做唔到」。他指發現問題後，已急欲聯絡GROUPON，「如果要延長優惠或退款，要GROUPON點頭先得，因為收咗嘅錢喺佢哋度，宣傳期完咗先會畀我哋」。
商戶直踩辦事處求救
Ivan表示每日均用電郵向網站報告當日已兌換的團購優惠券號碼，若食肆私下為客人延長優惠，GROUPON有權以優惠過期為由，拒絕向商戶付款。「同我哋聯絡開個sales冇做，惟有打佢網站個電話，點知打極都冇人聽，你試下就知」。Ivan無奈地表示，最終要直踩GROUPON辦事處才成功延長優惠。
GROUPON則回應正跟進上述事件，並為所有不便向客戶致歉。