【本報訊】2012特首小圈子選舉進入「備選」階段，「備選人」唐英年、梁振英幾乎日日做公關騷，空談「政綱」；與他們生於同一年代，創辦了《號外》雜誌、寫下《我這一代香港人》的陳冠中，對唐、梁二人不抱任何希望，因他早看透了：「呢一代香港人諗嘢好有問題」，只懂談管治，不懂聽民意。陳冠中認為，香港無普選是「萬萬不能」。記者：袁慧妍
陳冠中昨出席外國記者會舉辦的午餐會，大談大國崛起後，言論自由收緊。他接受記者訪問時表示，香港的青年人勇於為地產霸權等社會議題抗爭，「佔領中環」行動亦見效果，「政府係要去調整政策，去適應呢啲訴求」。他認為港府未有聆聽市民訴求，「成日都有好多諮詢，但諮詢完又冇乜用，冇乜改變，年輕人梗係唔滿意啦」。
思想「好有問題」
唐英年、梁振英兩名疑似特首候選人，對教育政策零認知兼「亂噏」，陳冠中直言對二人「唔抱有希望」，「基本上係小圈子選舉，選邊個都係一樣」，又指這一代香港人的思想「好有問題」，「好『中環』，只係講管治效率」，理想的特首人選，應在多元社會中平衡多元聲音，「希望香港快啲有普選，雖然普選唔係萬能，但冇普選就萬萬不能！」
2000年定居北京的陳冠中，近年寫下小說《盛世》。提到大國崛起，他指中國經濟發展一鳴驚人，但自由度大幅收緊，「有啲名詞唔可以提，例如『八九』，就算係讚佢都唔可以講」，以文革時期作題材的書籍亦難以出版，「80年代好多題材可以講，家全部要中央審批」；媒體報導亦受中央限制，「（報道）會以穩定做前提，所以好多社會問題都唔可以寫」。
中央自我太膨脹
收緊言論自由，歸根究柢是中央政府的自我形象過份膨脹。陳冠中續稱，中國自2008年舉辦奧運後，自信心大增，加上發生全球金融危機，中國可以自救而倖存，「西方嘅普世價值觀受挑戰，中國嘅做法會被讚揚，所以中國覺得唔再需要顧忌外國輿論」。
陳冠中說，過去中國較貧窮時，國民會知道欠缺甚麼，但現時中國政府雙管齊下，「家有太多商品，有太多資訊，你去(網上書店)Amazon睇書，多到你睇唔晒，邊個會知邊啲書禁咗」，當市場上九成產品已經可以令人目不暇給，中國政府就把餘下的一成「管得更嚴」。