鄭融早前同一班歌迷舉行聚會，歌迷仲順道同佢補祝生日，不過鄭融為免歌迷亂花錢買禮物，所以事先要求佢哋要將買禮物嘅錢做善事。咁歌迷都好乖，聽晒鄭融話，佢哋仲集齊所有款項全數捐去慈恩基金會，幫助一啲內地貧窮學生，最後粉絲成功助養咗兩名內地學生，令到收到呢份咁有意義禮物嘅鄭融好開心。