AC米蘭啱啱喺聯賽作客以3:2擊敗羅馬，教練艾基利帶領球隊贏波當然開心，不過令佢最興奮嘅係喺呢場比賽之前，佢太太幫佢生咗個精靈可愛嘅囝囝，賽後艾帥難掩興奮之情：「首先我第2個囝囝今日出世，跟住球隊又贏得漂亮一仗，今日係我人生中最美麗嘅一日！」唔知艾基利嘅囝囝好唔好腳頭，再帶挈AC今役又勝出呢？