在今屆區選被對手以外傭居港及港珠澳大橋司法覆核瘋狂抹黑，東涌更是抹黑重災區。公民黨出戰東涌南、北兩個選區，東涌北候選人譚文豪稱，不斷有匿名信及網上留言抹黑公民黨「包攬訴訟」，「的確有選民因為咁話難以支持我，但司法獨立係香港嘅核心價值，唔會因為呢啲抹黑而動搖」。
譚文豪的對手林悅在區內掛出「反對外傭居港權，包攬訴訟。誓死捍衞獅子山下拼搏精神」的橫額攻擊對手。該黨立法會議員余若薇近日也特別到東涌為譚拉票。余若薇說：「其實選舉應該介紹你自己；如果你自己冇料，先要去抹黑人」。
「做人要有腰骨」
本身是飛機師的譚文豪，07年以獨立人士身份參選，取得441票，敗給獲554票的公民黨林有嫺。他去年加入公民黨，接替黨友林友嫺出戰東涌北，「唔會覺得（自己）唔好彩，或者畀個黨拖累。做人要有腰骨，要知道香港嘅核心價值係乜」。他指港珠澳大橋環評是政府失當在先，「點解將個責任推咗去提出呢件事嘅人身上？」
外傭訴訟的攻擊，他更覺是莫須有，指香港打人權法官司的大狀不多，「（李志喜）咁啱係黨員，我哋就被抹黑」，「咁以後仲邊有政黨肯幫助手無寸鐵的市民？」離島區區議會22個議席中，只得兩席是泛民；今次選舉，譚文豪不容有失，強調不能讓隱形左派得逞。「如果冇咗呢一席，咁只會變成一個極不平衡嘅區議會，唔係一件好事。」
《蘋果》記者