謝婷婷昨日穿上黑色旗袍，在金鐘為佳士得拍賣行示範秋季拍賣的名錶珍品。婷婷示範多款估價達400萬元的古董火槍形時計及香水噴霧器、鑽錶時，緊張得不敢唞大氣，她之後說：「未試過咁正經，要全程忍住笑，好緊張。」她指父親謝賢有一隻古董錶，當年買八千元，現時已升值到八十萬，她說：「爹哋成日話要賣咗佢，我同阿哥都叫佢唔好，留番將來畀我哋。」
婷婷又指霆鋒曾經送過一枚全球只得三個的全鑽火機給謝賢：「爹哋只係用過兩次，佢笑話怕叮咗兩粒鑽石出嚟喎。」近日有指張栢芝養鬼仔，婷婷說：「我冇睇過，我唔知，仲以為鬼仔係話外國人。」她表示沒特別查問。
採訪、攝影：盧妹