幫你慳荷包　愛驅管家婆

幫你慳荷包　愛驅管家婆

生活於通脹年代，慳錢係生存基本法，不過有時提起揸車，多年來嘅駕駛壞習慣如重迫力及無故加速等，總係不經意走晒出嚟搞到嘥油，如果有人喺身邊日哦夜哦，你仲會恨不得醒佢一巴！今時今日，呢個煩角可以由車代勞，Mazda3最新注入嘅Skyactiv技術，唔單止喺引擎波箱甚至底盤幫你全方位節能，仲幫你計住油耗，有埋駕車提示系統，揸得唔好即刻着燈提醒你，堪稱萬能管家婆。

記者：趙慧敏　
攝影：楊錦文　
Model：Waye@GME

引擎波箱底盤助減油耗

2012年Mazda3剛剛新登場，如果只將焦點落在表面，就似乎過於膚淺，事關今次的重裝全在心臟，新注入的SKYACTIV科技，發現節能燃油引擎技術似乎已進入另一層次了！SKYACTIV技術所涉及範圍十分廣泛，由引擎、波箱甚至全新設計車架底盤，都運用SKYACTIV科技。
首先其SKYACTIV-G汽油引擎採用改良式活塞及防引擎爆震技術，造出超高壓縮比（14:1），若配DISI缸內直噴技術，以及改良水泵及增加冷卻效能，令它可以於較低轉數下爆出更大馬力及扭力，造出更雄渾的引擎聲外，更有助直接降低油耗。
至於另一改造焦點就係一組離合器，換上改良自賽車的多片式離合器，令轉檔反應更靈敏快捷。車廠更為車架作出大幅改良，包括拉直車架、全車封底連合B柱位置，形成雙環保護式結構，減車重之餘同時亦增加其剛強性。

■以off-centreradial設計輪圈，令動感提升。

■車尾patpat造型比起上一代更加渾圓。

■側鏡增加指揮燈設計，較同級優勝。

■鬼面罩稍為縮窄，配上鋼琴面漆面，令視覺效覺提升。

■配上引擎蓋，令車偈可更有睇頭。

加減撥片出奇敏銳

今次車廠以Mazda3率先演繹SKYACTIV科技，不過絕非只此一款，未來車廠陸續會將SKYACTIV科技放在其他車系上。既然Mazda3成為先頭部隊，車廠當然認為它可以將SKYACTIV科技發揮得淋漓盡致。事實上第一眼看到Mazda3，即覺得外形醒目外，最有興趣當然想一試它是否能脫胎換骨！
於灣仔附近兜了幾圈，表現確實爽快好多，尤其係由原來五速波箱換成SKYACTIV-Drive六速波箱，未作長測，暫時未知慳油程度，只根據廠方數字，油耗可以達18.8km/L，表現確實不錯。至於操控上，亦比上一代有很大躍進，車架的剛性提高了，在彎路表現尤其紮實，使用軚盤的加減波撥片轉檔，反應竟出奇地敏銳，特別於高檔轉低檔的表現更加明顯，對講求駕駛樂趣的車主嚟講，一定畀個Like呀！

■天窗是2.0版本的標準配備。

■換上以黑色為主調嘅中控，適合型男一族。

■新引擎下，玩加減波撥片趣味更大。

■以封底式設計，行車時提供更強穩定性。

■軚盤嘅多功能按鍵，行車資訊任你睇。

■在車頭屏幕中會顯示i-stop操作情況。

■行車電腦自動幫你計算油耗。

SmartDriving一目了然

行車時喺儀錶板中央顯示屏，原來隱藏了另一個科技，就係名為i-DM系統，呢個系統喺你揸緊車時，一路記住你駕駛情況，包括路面、車輛及乘客擺動幅度、踩油門深度、扭軚角度等等，然後進行分析，綠燈着咗就係話你表現正常，藍燈着咗就係讚你係SmartDriving，至於白色方格就係話你太心急喇，見到呢啲燈號，車主們自己識點做啦！

■SKYACTIV於錶板上時刻提醒你動作係咪過火。

Mazda3SKYACTIV

引擎：1,998ccSKYACTIV-G直四　
馬力：154ps/6,000rpm　
扭力：194Nm/4,100rpm
傳動：SKYACTIV-Drive6前速+/-自動波　
售價：$239,000　
查詢：28931112（萬事得汽車）