陳法拉正忙於拍無綫古裝劇《東西攻略》，一向做開靚女嘅法拉，今次喺劇入面扮醜女鍾無艷，而且唔知係咪自我要求高，之前法拉喺微博度話為拍呢套劇心力交瘁。噚日法拉都有開工，劇情講佢吊頸自盡，佢將喺樹上上吊嘅相貼咗出嚟，加埋個黑白效果，真係幾逼真嚇人，法拉就搞笑留言：「萬聖節到，我走了。」識得苦中作樂，都係一件好事。