第一上海（227）有大折讓墊底，中線亦受惠中港金融市場發展及增長，唔怕收集。今年嚟，中港股市唔掂檔，第一上海2011年半年度嘅證券業務唔靚仔，照計全年度亦冇乜睇頭。但要咁睇，呢期阿爺搞調控，係防過熱，只要政策稍為鬆手，已經可以有好大刺激效應。再講，祖國喺金融、外滙市場逐步改革開放，連埋經濟持續增長，對第一上海中線業務，應該肥仔水。而07年好景期，集團股價講緊係4蚊！又第一上海最新NAV貼近2蚊，現價（0.7元）折讓高達65%，同有中資背景嘅本港證券股比較，第一上海平咗一大截。趁住第一上海仲喺貼近金融海嘯價，好收集，現價翻一番到1.4元計，未有耐上到NAV。
建屋貸款大低水
建屋貸款（145）呢期計劃配售65億股，唔嘢小，需要股東特別授權。而計劃中嘅配股價，係講緊0.144至0.16元，建屋現價得6.8仙，超級「大低水」。又建屋呢期轉攻節能方案，符合環保國策，呢壇製作，只要順順利利，中線亦有得諗。呢轉先嚟個短打，係咁易望上番NAV9.1仙，潛在回報率講緊34%。
錢雋