【本報訊】「電爐熱力難控制，始終炭爐好啲，客人鍾意幾脆我都控制到。」墟市現場不可用明火，只可用電爐，有逾30年炭爐製雞蛋仔經驗的吳伯也被考起。對品質有極高要求的他坦言，雞蛋仔味道比以往遜色，不太滿意復出第一擊。
將來或增班戟款式
吳伯表示，為準備復出第一擊，前日已在家中嘗試用電爐整雞蛋仔。他昨日重出江湖，即場示範如何開蛋漿，20多底材料用30多隻蛋，「落足料」絕不欺場，之後用了近半小時調校好電爐火力。出爐的雞蛋仔內裏仍足料，但外層並不如以往般爽脆，「電爐整得無咁香，炭爐我要佢大火啲、整脆啲，因應客人要求點都得」。
吳伯說，近半年無整雞蛋仔，十分技癢，其間亦有留意蛋、糖及麪粉的價格，「真係貴咗好多」。他指如將來可再擺檔，相信要由以往10元一底加價至12元，屆時更希望新增班戟款式。