美職季後賽西岸4強首回合周日上演大戰，由星光熠熠的紐約紅牛迎戰常規賽冠軍洛杉磯銀河；由於紅牛前鋒亨利腳風順，而且定必藉主場之利拔頭籌，平手盤宜取紅牛。（球賽編號：星期日63；now631台明日3:00am直播）
紅牛雖然在今季常規賽表現麻麻，故在季後賽被列為最尾的10號種籽，但在上場外卡賽勝FC達拉斯一役，卻盡顯勁旅本色，前鋒亨利亦表現身價，今役就算有中場真蘇利停賽，但有主力如丹李察士及馬基斯等，紅牛可看高一線。銀河亦強，但主力如前鋒羅比堅尼、當路雲及中場碧咸等都有傷在身，今役就算上陣亦未必拼盡。
費城聯上盤有渣「拿」
至於同日上演的費城聯迎侯斯頓戴拿模這場東岸4強首回合，則不妨捧少讓平/半的費城聯上盤。費城聯上屆首次角逐美職聯，基本上是「魚腩」，但今季表現有很大進步，其中前鋒拿托斯越戰越勇，在最近12場賽事射入10球。
反觀侯斯頓戴拿模今役雖幾近「夫添」，但球隊不擅作客，今屆聯賽作客只得2勝9和6負，就算今役受讓，亦不宜過份高估。文：吾中
讓球過關
星期日63紐約紅牛（平）x
星期日64費城聯（上）2x1