樂壇女新人梁佑嘉早排被指用200萬買無綫兩個時段，其中一個節目《Smart遊首爾．梁佑嘉》收視跌咗兩點，只得9點，嚇走13萬觀眾，噚日佢同鄭欣宜等喺新城出席活動時話：「係公司安排，屋企冇出過錢。我聽嘅反應都係正面，網民有意見係好事，即係塞錢入我袋。有9點收視都幾好，代表有幾十萬對眼望住我半個鐘，我都滿意。」