阿仙奴的直播，無論下注與否，多不會錯過；今天早場作客車仔，莊家「誠意」推介大家博「大」，也應該懂得欣賞及接受，賭波無情，那管可能見到球隊今季第3次被大屠殺。
一個月前，股市哀鴻遍野，去到極度悲觀的情緒，殊不知狂牛已悄然走近，大跌後大起剛勇破兩萬點；一個月前，圍攏身邊聲音也對阿仙奴心死，高呼拒絕再睇，冇期望所以冇失望云云；結果，他們在這5個禮拜內錄得7勝1負，誠然手下敗將非強，但無論觀賞度及投注態度，悲觀者自錯失不少好時光。
活在香港，資訊流通得企喺條街都會識驚，當派報阿姐送你一份《爽報》中午版，用股市開市大跌做頭條；其實去到下午可能已見一片秋高氣爽的藍天，我們無法避免被大量資訊包圍，只能理智分析，方能避開左一巴右一巴。利物浦奇怪從來與我有賭緣，所以捧完佢贏唔到，再押注盃仔贏史篤城，這兩巴，真爽！今天他們作客西布朗，中到對上兩口者可例飛捧紅軍場；因對手西布朗見底，鶴臣教後蜜月期漸過，難望3連勝及重溫上季氣走紅軍風光。
不少人嘆今季西甲較英超難賭，其中一主因，可能是正牌莊家開盤太狠，毫無水位可走；像今晚深夜，巴塞鬥馬略卡得1.01倍、皇馬作客皇蘇得1.12倍，也常開[-2]，你不想我賭，我也不會硬來。反而英超表面對抗性較強，莊家不敢太放肆。像今天曼城主場鬥狼隊，明明3天前盃仔派副選作客也大炒5:2，今天返主場聯賽再鬥，竟仍開[-1]1.42倍，對比下，投注意欲會較深夜睡魔難擋的西甲強。
嫌曼城賠率也熱，可考慮車阿戰作重心，阿仙奴今季客績極劣，有兩次被炒至「客其他」，中堅華美倫久休復出也暫難神化；最擔憂是一對閘，若然出笨拙的佐羅打右閘，呢次「豬籮」都識投注咯。車仔聯賽敗走昆士柏只是被球證屈死，上仗盃仔贏波當重拾正軌。莊家也狠，只開1.5倍主W，阿仙奴鋒力尚有保證，也不識守；樂觀廠迷可向「大」埋首，1.65倍；再冷博「總入球」4或5球。倫敦雙雄聯賽已漸被曼隊拋開，今場料不想和，下周中歐聯後顧，懶理了。
下次見報（02/11）
文：蘋果波神
今日
重心推介
熱選：車路士大（1.65倍）
冷選：車路士4球（4.9）、5球（8.5）