黃耀明前晚喺灣仔舉行「明日之歌廳–黃耀明唱顧嘉煇」音樂會，吸引顧嘉煇、吳雨、林夕同俞琤等捧場。明哥全晚唱咗煇哥廿幾首嘅經典歌曲，不過因為明哥未背熟作品，加上電腦有問題，搞到佢喺台上有些少甩漏，明哥即時話只係畀70分自己，仲笑話︰「因為煇哥喺度，電腦都驚！煇哥嘅年代好少會用電腦，今日我哋將佢嘅歌搞到翻天覆地！」