太空艙減肥、搣脂瘦身、遠光超音機震散脂肪等療程，光顧美容纖體公司一次，至少過千元，但營養師和醫學界人士指出，所有借用外力試圖推散脂肪的方法均不可行，完全是「嘥錢又嘥氣。」
香港肥胖醫學會會長周振中指出，利用儀器推開或震動脂肪，以令脂肪自然分解排走的學說毫無根據，「脂肪係體內嘅熱量，唔會因為外來嘅施力而消失，除非你做運動去使用呢啲熱量。」
至於減肥食品的成效，他解釋，所有食物都有一定熱量，故不可能會出現「食完即減磅」的效果，「除非佢有肚瀉成份，但佢瀉出嚟嘅多數都係水份，唔會係你肚腩嚿脂肪囉！」
營養師楊慧珍亦提議市民，就算食用減肥產品，亦不一定代表成功減肥，「減肥食品降低用者食慾，令佢唔想食嘢，如果繼續放肆食嘢，最後都會因為吸收過多熱量而瘦唔到。最有效嘅減肥方法，都係運動同控制飲食，無得走偏門。」《蘋果》記者