九把刀執導嘅《那些年，我們一起追的女孩》喺香港掀起熱潮，截至前日《那些年》喺香港上映八日，累積票房接近2,000萬，電影公司預計周日後票房會大幅攀升。九把刀見到《那些年》喺香港咁受歡迎，佢特別安排咗後日（31日）親身嚟香港去戲院答謝觀眾，不過佢只會去旺角同銅鑼灣其中五個場次，fans想見佢就要碰運氣喇！