雖然曼城前鋒巴洛迪利球場上嘅表現越嚟越成熟，但場外仲係成個細路仔咁。前兩日佢同女友行街，女友走入報紙檔諗住買糖食，而巴洛迪利就走咗去睇鹹書（圖），鬼鬼祟祟咁睇，大大聲咁笑，佢個淫笑樣仲畀英國傳媒影到斷正。另外，巴洛迪利阿媽早前叫佢幫手去買熨斗同清潔用品，點知呢個衰仔走咗去買玩具番嚟，買咗架玩具跑車、兩架綿羊仔同埋乒乓球套裝返屋企，真係激死巴師奶！
