溫碧霞（Irene）與美籍富商丈夫何祖光結婚10年，感情有增無減，她謂在對方身上學了不少東西，並大讚老公是絕種好男人，不過Irene卻未有為老公生兒育女，全因Irene有恐懼症！
溫碧霞與丈夫聚少離多，但兩人依然恩愛，Irene認為少見反而會經常掛念對方，又指老公屬於浪漫的男士，懂得享受生活，故此很欣賞他，並大讚老公是絕種好男人，她說：「喺佢身上學到永遠都係諗咗人哋先。」
老爺奶奶冇反對
對老公又愛又欣賞，但Irene未想過為老公生BB，反而選擇領養小朋友，其養子何國倫今年已兩歲大。Irene解釋她有生BB的恐懼，她說：「我家姐懷孕時好辛苦，又有抑鬱，我有個朋友嘅朋友生完之後跳樓死咗，所以令到我唔想生，但係我又好鍾意小朋友，真係好矛盾，於是我就領養。」問Irene其老爺奶奶及家人可接受她領養小朋友？她說：「老爺奶奶好開通，完全無問題，我都估唔到佢哋冇所謂，一講就過關。」
Irene現時過着少奶奶生活，但另邊廂，她正追求自己的理想，因為太愛演戲，最近Irene簽約華誼兄弟，她透露每年只會接拍一至兩部電視劇或電影，如片商要求她性感演出，Irene坦言不會介意，她認為女人性感是一種美感，至於是否獲老公批准，她笑說：「佢都覺得係美感，唔驚會睇蝕。」
盼事業再創高峯
Irene表示拍戲可代入不同角色，令她有不同經驗，問她何時停止工作享受人生？她說：「真係唔知，或者到某個時候我會退出。好似林青霞咁，佢都係40幾歲嘅時候，連續拍咗好多部徐克電影，我好想好似佢咁，喺演藝事業上再有另一個高峯。」有家庭、有工作，這才是Irene最想擁有完美人生。
採訪：黃曉妍
攝影：林德雄