鄒兆龍早前在尖沙嘴宣傳電影《畫壁》，談到與導演陳嘉上合作，他說：「今次係我同陳嘉上第一次正式合作，本來幾年前有機會合作，我哋喺LA（洛杉磯）見面傾故事，傾完後我覺得個劇本唔係太成熟而推咗，但事後我有啲後悔，點解會推咗部戲。」
讚為人大量
鄒兆龍又讚陳嘉上：「直到今次我哋終於合作，佢冇因為嗰件事影響，反而佢話我當年推咗部戲係啱。呢個導演係除咗我師傅洪金寶外，另一個最大量嘅導演。」近年轉戰內地工作的他，原來有個心願，他說：「我好想喺香港呢個令我又愛又恨嘅地方拍戲，呢度教育我成為專業嘅電影人；恨係住喺香港咁多年，未有一部代表作。」
採訪：何慧斯 攝影：陳順禎