周柏豪昨日到商台接受訪問，透露近日忙於籌備下月與陳柏宇合作的拉闊音樂會，他希望當日婆婆可以到場支持：「婆婆之前唔舒服入過醫院，我成日同佢講如果唔聽話就冇得去睇音樂會，所以佢家有乜病痛就會即時出聲。」
阿媽關心緋聞
柏豪指婆婆沒有問過他的緋聞孰真孰假，他說：「因為婆婆唔識字，睇報紙只會睇相，不過媽咪對我之前同何小姐（何超雲）嘅緋聞都有問過我。」
另外，節目中問柏豪會否考慮像《那些年，我們一起追的女孩》男主角柯震東般拍露股戲？他說：「呢個年代冇乜所謂，只要拍出嚟唔係色情，件事好玩我都冇問題。」不過柏豪指未必考慮接拍男同性戀為題材的親密戲，他續說：「呢個話題比較敏感，我入行都俾人懷疑過係同性戀。」
採訪、攝影：李珮洳