林欣彤（Mag）噚日喺銅鑼灣出席新碟獲白金祝捷會，佢好開心好感動，問Mag畢業後賺咗幾多錢？佢話：「計埋所有嘢未扣除佣都有一百萬，其實人工幾多真係無所謂，最重要係可以唱歌。」Mag話希望可以買村屋，暫時都可以叫做儲到首期。台上吳雨仲話希望明年可以幫Mag喺紅館開個唱，Mag就話：「唔想太快做，唔想好似賽跑咁趕。」