大S前男友藍正龍喺新片《電哪吒》第一次監製仲做埋男主角，為咗票房，正龍惟有再次出動佢嘅天賦本錢──靚股。
佢喺戲裏面同女主角謝欣穎先喺床上全裸激吻，再嚟一場激烈肉搏戲，正龍擒住欣穎背脊再壓胸搏命前後狂搖，睇到連導演都唔記得叫停，反而係正龍起身叫停，尺度大膽得可以媲美《色，戒》入面嘅梁朝偉。
床震20分鐘
呢場床戰拍咗20分鐘，正龍交足功課床震足20分鐘，連清場企喺場外嘅工作人員都聽到床震聲，大家忍唔住笑問再咁樣搖落去，間屋會唔會冧？聽講正龍拍呢場床震戲演得好自然，好投入，欣穎就要飲幾杯伏特加嚟壯膽。
正龍已經第二次露股，上次係05年拍《戀人》同李康宜嘅床上戲亦都露過股，但今次佢嘅床技又進步咗，比上次激烈好多。