睇免費波的歲月，在香港早已經不存在。球迷如果不想安裝有線或Now，同時又想收看英超、西甲、歐聯，去茶餐廳、酒吧、卡拉OK可以幫到手；不過，以上場所當然要收費，令香港球迷羨慕的是，國內球迷睇英超是免費的。
現時國內英超直播權，是由新雅迪聯合多間地方電視台共同分擔，攤分了營運成本，球迷睇波都無需要額外付款。
收費電視執笠咎由自取
不過在07至10年，英超一度要收錢才有得睇；當時收費電視台為現已清盤的天盛公司，其公司老闆宋政以5,000萬美元購入轉播權，並打着「我們只需要高檔的用戶群」、「英超要進入全面消費的年代，免費午餐結束了」口號，更樂觀以為中國有3,000萬球迷，只要一成能夠成為客戶，公司都會有錢賺。
不過，天盛最終執笠收場，可見宋政太過一廂情願，因為中國球迷認為睇免費波是理所當然，怎會願意每月付出1,000元人民幣睇波；加上天盛在其他配套方面安排失當，難怪清盤之時，國內傳媒調查指出，超過六成球迷認為天盛倒閉是咎由自取。文：金鍀