這個年代，買正版音樂係一件相當有型的事，尤其是買黑膠唱片的更係型到爆！既要有足夠地方去安置，又要過到家人那一關，但好多發燒友都知道，聽黑膠唱片係玩Hi-Fi最高境界，LP獨有的一份韻味，通透到頂的高音，一屋都都裝唔晒的空氣感，CD又豈能相提並論。到朗豪坊的CD店逛逛，發現多了不少新出的黑膠碟，對啊！這個年代仍有很多唱片公司會出LP的，有唔少更是曾被炒到上天高的經典大碟。新錄音呢？一樣有。劉美君、林子祥的新碟一樣有預LP的份兒。今日影音版主題講黑膠唱盤，當然要寫隻LP湊熱鬧了！林子祥這張《極品原音Vol.1》黑膠碟，係唱片公司專誠為LP迷而輯錄，連CD都未出過，10首歌仔包括《分分鐘需要你》、《千億個夜晚》、《最愛是誰》等，都係阿Lam於華納年代最具代表性的情歌，如今經專業混音師將母帶重新處理，壓印成180g重的LP，唔靚聲才怪！
文：李廸偉