曾志偉噚日喺尖沙嘴出席活動，佢仲獲委任為日本旅遊大使，負責推廣日本旅遊。志偉話唔知係咪取代咗成龍，但佢話向來鍾意遊日本，一年都去幾次，早前仲帶埋成班明星朋友去日本玩，留足兩個禮拜，其間掃咗11篋美食同潮物返香港。志偉話：「之前幫日本賑災，識咗好多日本朋友，嚟緊會拍一部關於日本觀光嘅電影，係以喜劇為主。」