關仁隱事:「明飛」形象古老冇人追 - 關仁

關仁隱事:「明飛」形象古老冇人追 - 關仁

關仁好鍾意睇粵劇,任白直情係關仁嘅超級偶像,不過,好多出名大老倌陸續退落嚟,搞到粵劇界青黃不接,好彩呢十幾年粵劇界都出咗個後起之秀「明飛」。有粵劇資深人士同關仁講,明飛為粵劇犧牲好大,十歲跟師傅學戲,十幾歲開始入戲棚,全部時間同青春都放晒喺粵劇度。而粵劇俾人感覺古老,明飛仲要演小生,成日喺台上女扮男,搞到明飛家30幾歲都冇人追,只係15歲讀書時拍過一次拖。就連「Chok父」有次見到明飛着咗套西裝裙,都語重心長同佢講:「好心你打扮似番個女仔喇,冇人追㗎。」
撰文:關仁