私家偵探行業一向予人由男性主導的感覺，但現時香港卻有一間號稱是首間全女班私家偵探社，標榜細心及減輕被識破的風險。偵探社由年僅26歲的文顯楠創辦，幕後班底是來自各行各業的女性，除為有錢人查案外，亦會為低下階層委託人提供斬件式服務及折扣優惠，令僱用偵探變成非有錢人的特權。
文顯楠自稱幾歲已經是偵探迷，「我啲世叔伯都係開偵探社，細細個就成日聽佢哋講查案嘅驚險情節，好似拍電視劇咁。」大學畢業後做過多份工作如便利店營業主任、餐廳侍應和傳銷商等，直至某日看到報章刊登了偵探社聘請偵探，毅然應徵，「不過嗰間公司好刻薄，6,500蚊請我做parttime，點都唔畀我轉fulltime，我幫佢傾成生意，都只係畀番200蚊我飲茶。我要求加人工，先肯畀8,500蚊我，但要我返大陸做嘢，我當時拒絕，因為唔包我意外保險。」
團隊來自各行各業
08年，文顯楠自立門戶，幕後班底是十多個志同道合朋友或前輩，團隊有成員擁有逾30年的偵探經驗，其他來自各行各業包括教育、社福、前紀律部隊、債務處理和電子科研等，連提供法律意見支援的也是女律師，「女性比男性細心，愛情觸覺比較敏銳，對調查外遇個案嘅心理分析比較準確。」原來成立偵探社也跟婚外情有關，「團隊中有成員曾經試過老公有外遇，搵偵探幫手查，但結果唔理想。一次機緣巧合下，大家傾傾吓就決定不如自己開一間偵探社，用一啲新手法希望真係幫到人。」文顯楠說，每宗個案收費由數千元至逾一萬元不等。
《蘋果》記者