36歲的尹子維（Terence）外表玩世不恭，女友如走馬燈，很多人以為他拍戲出身，其實他入行時是歌手身份。相隔11年，Terence再推出新EP，以歌聲道出對愛情的看法，新歌以一夜情為題材，他直言接受一夜情，更試過遇上真愛。
尹子維11月推出新EP《透明》，歌曲講述他近年對男女關係的感覺，外表玩世不恭的他，直言拍拖次數其實不多，他說：「其實我好少拍拖，認真只有5次左右，但都試過唔認真嘅愛情。」
「拍拖唔需要隱瞞」
Terence坦言接受到一夜情，更試過在一夜情遇上真愛，圈內圈外都有，他說：「一夜情或者係一種激情，一種逃避，或者一種發洩，我喺香港住咗10幾年，香港男女唔比外國人保守，我有隻歌《瞬間初夏》都係講一夜情。」
Terence曾被拍下與貝安琪親熱的照片，但他仍沒有確認戀情，他說：「如果係，我會講，我哋一路未試過拍拖，如果正式拍拖唔需要隱瞞，或者我鬼仔性格，我對呢方面唔多避忌。」他直言現時沒有女友，並說：「我想有㗎，呢啲要講timing好奇妙，唔係想就有。」
出道以來拍了數十齣電影，不說還以為尹子維只演戲，他說：「其實我初初入行係做歌手先，點知碟都未出就去咗拍戲，不過兩樣我都鍾意。」Terence的父母是60年代的香港演員康威和胡燕妮，他坦言愛演戲受父母影響，他說：「佢哋好支持我返嚟拍戲，唔單只想我繼承佢哋做嘅嘢，仲想我愛呢個行業。」
遇真愛接受閃婚
至今仍未成家立室，Terence坦言媽媽都開始心急，爸爸更試過介紹女仔給他認識，但感情要培養，若然遇到真愛，他接受到閃婚。
採訪：溫敏芝
攝影：黃偉雄
場地：佐敦恆豐酒店RedChimneys