安仔恨收溫暖牌

安仔恨收溫暖牌

許志安、鄭裕彤孫兒鄭志恆和丁子高等,前晚到金鐘出席時裝活動,大會送上圍巾給安仔,更抵死叫他可以兩個人一齊用,言下之意即提議他與女友鄭秀文(Sammi)兩份用。
安仔坦言未收過Sammi的溫暖牌,至於是否恨收到?他說:「有就好,冇都冇所謂,亦都冇收過佢親手做嘅禮物,自己都冇送,唔係做呢啲就浪漫。」

彤叔孫撐場

此外,鄭志恆因為與丁子高相熟,所以前晚來支持,他表示將與丁子高合作,詳情稍後公佈,並打趣叫記者有事可找丁子高,笑指自己已賣身給他。採訪:胡比
攝影:陳志嵐

彤叔孫兒鄭志恆(右)和丁子高老友鬼鬼,兩人將合作搞生意。