新特蘭前鋒賓特拿雖然同貴族前女友已經玩完，但係再見亦是朋友。上周日，佢兩個生嘅囝囝喺丹麥一間基督教教堂受洗（右圖）；父母兩人都有出席，而且仲有丹麥王室成員陪同，認真畀面。而利物浦門將連拿個細仔盧卡，都係同一日受洗（左圖），爸爸連拿仲專登帶佢返去西班牙受洗。雖然牌面冇賓特拿呢邊卡士咁勁，不過一家大細盛裝出席，勝在夠溫馨。