印尼峇里島已被「玩爛」，但不必灰心，近兩期lonelyplanet都改變策略，封面加上「BaliandLombok」，龍目（Lombok）是新開發的旅遊區，感覺猶如未受洗禮的峇里，有種清純之美，$350可包起唯一水中屋住一晚，實在難得。
記者：徐影珊
攝影：陳盛臣、徐影珊
摸特兒：[email protected]
鳴謝：嘉魯達印尼航空
秘密島浮潛一流
大概八十年代末，Lombok首次被開發，面積只有峇里島一半，機場最近一個月翻新。resort區域一般集中在西面的Sengigi，從機場坐車前往約2小時，或者你覺得車程頗長，但我覺得因它末被完全開發，才有種原始的感覺。住在Sengigi的resort沿岸都是黑沙灘，但水質相當好，建議坐船到周邊的小島，會找到白沙灘，在西南面有個島叫SecretIsland，點解叫秘密島？緣於島上一間resort的名字叫SecretIslandResort，主人Peter來自美國，佢話初來島上只不過想隱居，開間resort提供吓住宿，後來大家都叫個島做秘密島，連本來的名字GiliGede都被遺忘。他越住越開心，加建全個龍目島唯一的水中屋。呢間屋睇落有啲古怪，好似添布頓電影搭出來的房屋，不過今次加咗個靚海灣。而間屋亦係獨立地自處一隅，只供住客進入。屋外的水質好靚，清澈見底，浮潛一樂也。
秘密島上還有其他蚊型的resort，蚊型到好似MadakBelo咁，極其量算是guesthouse，只有兩間bangalow及餐廳樓上的三間客房，主人是對法籍夫婦，本來是住在秘密島的漁村，決定自己建屋做東主，已經兩年了。bangalow好抵住，只係$175左右一晚，常滿客，在無人的沙灘上，簡直像島主一樣，一落水就見到珊瑚魚，靚到離譜。
SecretIslandResort
房價：水中屋二人入住一晚，由$350起
網址： http://secretislandresort.com
MadakBelo
房價：沙灘bangalow由$175起
網址： http://madak-belo.com
地道沙灘$1串炸麪筋
整個龍目島的西面，基本上都欣賞到靚日落，resort區域不在話下，如果想親民啲，不妨去地道啲嘅沙灘Ampenanbeach，不過，沙灘都有分地道唔地道？一睇啲小販攤檔就知啦，在爪哇島我已見識過街邊車仔檔賣呢種魚蛋狀物體，今次是用炸漿落鍋，究竟味道如何？我買了一串，原來係似炸麪筋，而當地人說成份不是魚，卻是加入牛肉，老實說我吃不出牛肉味，只是麪筋味，而精粹所在應該是那辣醬，印尼人嗜辣，連小孩都點滿辣醬食，我又點可以示弱？！
Ampenanbeach
地址：Ampenanbeach,Lombok
交通：由Sengigi前往約30-45分鐘車程
吃喝玩樂一條街
Sengigi是resort區，亦可算是唯一吃到國際菜及充滿酒吧的一條街（只要你到附近的村落城鎮睇睇，就明白甚麼叫原始），因此旅客總會流連。在這條街的三星級resort或guesthouse一般設有餐廳，也許是飲食最佳保證。我們在AsmaraRestaurant坐下來，旁邊有一家附屬於resort的古董工藝店，吃飯前model在選購一番，我跟古董店的店員傾談了一會，知道他的老闆是英國人，是個收藏家，店舖的特色是貨品總是幾個月換一次，而本人最感興趣是島民使用過的古老工具，有時拿着一塊真係唔知咩用途，須要店員講解。睇完手信食餐好，不自覺地過了充實的一天。
AsmaraRestaurant
營業時間：星期一至日早上8時至晚上12時
網址： http://www.asmara-group.com
TravelMemo
持香港特區護照前往印尼均毋須簽證，而持BNO者則可在入境時辦理落地簽證，查詢：28904421（印尼駐港總領事館）
嘉魯達印尼航空其下之嘉魯達假期可代訂前往龍目島之機票及住宿安排，現在來回機票價格為$3,750起，如選用citibankPremierMiles信用卡可享機票買一送一優惠，查詢：23161838（嘉魯達假期）
220V插頭有兩腳圓插或三腳扁插兩種，宜多帶後備的插頭
使用印尼盾（IDR），每1,000IDR約兌換8.8港元（文中價錢已折算成為港元）
下周多雲有雨，氣溫約23至30℃
