利信達（738）同內地潮人韓火火搞咗個cross-over，據行政總裁（CEO）兼執董劉舜慧講，條line今個月15號喺內地出街，售價雖然約2000蚊人仔，但都好好賣，至今賣咗幾十對。由於係限量版，每款只係出1000對左右，劉舜慧噚日着咗對黑色漆皮鐵頭男裝款（圖）撐場。佢話，呢個系列會再出激啲嘅款，襯返火火形象。恕華華out，真係唔知韓火火係何許人，據聞佢曾經講過，「我不吃飯也無所謂，但不讓我挑衣服，我寧願死！」呢句嘢係當年章小蕙都話「飯可以唔食，衫唔可以唔買。」