一向出名係慳妹嘅鍾嘉欣，平時好少買奢侈品，不過最近佢為咗獎勵自己做得咁辛苦，買咗隻鑽石戒指送畀自己，噚日鍾嘉欣喺旺角出席一個手錶專門店嘅剪綵活動，佢話：「我都睇咗好耐，一直都想買蝴蝶型戒指，點知喺拍劇嗰時見到隻鑽石蝴蝶戒指好靚，間舖又畀咗個折扣我，不過都成萬幾蚊㗎。」鍾嘉欣話下個目標就係買鑽石手錶喎。