梁家輝、郭富城和台灣男星彭于晏等昨日到數碼港出席《寒戰》電影發佈會，城城笑指由細開始睇家輝做戲，家輝即笑說：「佢係睇我細個拍廣告，佢羨慕我啫，對方冇乜變，係天王影帝。」
讚熊黛林好戲
家輝大讚城城演技越來越成熟，他說：「之前拍咗場好激烈對手戲，自己體力唔夠，谷唔到情緒上去，但城城就幫我谷到，佢好肯幫人，以前自己都顧唔嚟亂晒龍。」家輝愛屋及烏指熊黛林的演技同樣穩重，如果兩人是男女朋友關係，相信他們私底下有深刻的交流。
此外，首次拍港產片的彭于晏坦言與影帝級人馬合作十分興奮，開頭拍攝時特別緊張，不過相處後覺得他們十分可愛。
採訪：文國駿
攝影：陳志嵐