台灣大熱新戲《那些年，我們一起追的女孩》喺香港上映唔夠一周，票房已過千萬。套戲除咗吸引年輕人，有唔少圈中成熟一輩都係捧場客，包括伍詠薇，而譚詠麟噚日亦喺微博留言話睇咗，阿倫大讚好睇之外仲話有好多回憶。另外，喺台灣宣傳國語碟《似曾相識》嘅李克勤，被當地傳媒問到幾時再同阿倫合作開騷，克勤話最快都要2013年喎。