曾拍過Olympus相機和麥當勞廣告的17歲模特兒顏卓靈（Cherry），樣子有點像薛凱琪，曾拍攝電影《百年浮城》和《大追捕》。現實生活中，她是典型90後的飄浮少女，於學業及parttime事業中尋找機遇，Cherry志向投身電影界做演員，更視蕭芳芳為學習對象，事業有成回回饋社會。
現年17歲的90後顏卓靈樣子有點像薛凱琪，尚在修讀中七商科，自言容祖兒、Twins的歌是她小學的集體回憶，同時又反高潮愛看蕭芳芳的黑白殘片《女朋友》，連她的朋友也笑她「老積」，涉獵範疇廣泛。
玩時好認真
模年紀的Cherry已投身模界三年，拍過Olympus相機和麥當勞等廣告，在電影《百年浮城》中扮演少女版楊采妮，以及演出《大追捕》等。Cherry在鏡頭前表情豐富，大玩喜怒哀樂，甚有表演慾，她早前接受訪問時說：「小學已開始跳中國舞，去到中學跳jazz同funk、玩drama，仲有參加學校比賽。做模特兒好玩，唔覺得辛苦，反而返學讀書會唞大氣。」
問到中學畢業後會否即加入娛樂圈，Cherry表示有着現今90後的矛盾：「讀到大學一定讀，對英文有興趣，都想讀演藝，都有90後嘅逃避心態，一諗起要做嘢都會少少驚，有一刻想不斷讀書，keep住做parttime，其實始終都要同社會接軌，畢竟社會養咗你咁耐。好似做模特兒可以同唔同generation嘅人做嘢，發覺60、70、80後係做嘢時workhard，玩嘅時候又好relax，我哋90後玩嗰時好認真，做嘢嗰時未必個個都咁認真。」
Cherry拍的都是清純少女的CM，不是模賣性感的路向，問到如何看現今娛圈的模負面文化，她說：「要睇吓用乜定義，自己年紀上係屬於模，不過唔係性感路線，有自己嘅堅持，佢哋都要承受壓力同代價，可能會快速走紅，或者樹大招風，總之空穴來風必有因，可能之前已種下原因。」
唱歌兼演戲
會否想走Angelababy、JaniceMan等模路線，Cherry笑說：「自己想多方面發展，想嘗試演戲唱歌，不過好似Angelababy家做嘅角色牽涉男女感情，我家嘅階段未必做到。」做模特兒是否有點發明星夢，她笑說：「唔排除呢行有好多呢種人，如果資源上support到做藝人冇乜唔好。其實行錯行啱都係一個經驗，自己唔係發明星夢，不過覺得大家只偏重某啲嘢，好似K歌文化，直至有方大同先有jazz、soul同pop嘅歌，只偏重一個variety，所以覺得呢個圈子應該開始吸納唔同新面孔，所以未來發展希望簽到一間自由度大嘅唱片公司、拍戲同下年推出個人寫真集。」
Profile
英文名：CherryNgan
年齡：17
身高：165cm
曾拍廣告：OlympusPEN相機平面及電視廣告、麥當勞密密送、Summer'sEve女性用品
視蕭芳芳為榜樣
跟Cherry談其樣子是薛凱琪的齙牙版，連聲線也有幾分相似，Cherry對此笑言都開心：「大家都girly、都鍾意笑，畢竟薛凱琪都係靚女。」
問到有否欣賞的演員，Cherry說：「好欣賞蕭芳芳、林嘉欣、《天使愛美麗》的柯德莉塔圖（AudreyTautou），好欣賞同尊重芳芳姐整個人生，事業有成，修心養性重返校園讀書，又用自己資源成立護苗基金幫人，係社會一個好榜樣。」
採訪：梁錦雯 攝影：林德雄
化妝：onki@gluewedding
髮型：Nasaki@POP
服裝提供：[email protected]
場地提供：POPhairdressing