國際足協日前選出最後50名金球獎候選人，西班牙嘅《馬卡報》就爆料指巴塞有9人入選，皇馬就有5人；到11月1日雜誌《法國足球》就會再選出最後23人名單。巴塞9個候選人當中，美斯、沙維、恩尼斯達等入選唔意外，連艾比度都入圍就較奇，可能欣賞佢克服肝手術復出有關。皇馬5人，C朗、卡斯拿斯、奧斯爾同沙比阿朗素都唔奇，較冷門係防中基迪拉。