每個人對於最佳都有唔同嘅演繹，亦都有唔同嘅價值。之不過「最佳教練」獎項，你又覺得係值幾多呢？對於皇家馬德里教練摩連奴（右）嚟講，絕對唔係錢可以買得到，而係代表一份心意。難怪摩連奴將佢獲得嘅世界最佳教練獎，捐予已故恩師卜比笠臣嘅慈善基金拍賣，結果該獎座以26,000鎊（約32萬港元），由三菱汽車英國公司主席巴特利投得。如果冇卜比Sir，摩連奴可唔可以成為「SpecialOne」成疑問，摩連奴真係有心！