屬於前菜類的滷水拼盤上席，心中納悶：「嘩，唔係嘛，先來一大盤豬各部份……？」但看形相肥潤溫純，計有脷、頸、耳、面、頸背、肚尖、大腸……
好吧，平常日子年中頂多一次起兩次止吃大腸，第一塊便從最肥部份落箸；未見入口即溶可不染油膩，爽軟恰到好處，味道甘甜不過鹹不過鮮。豬脷夠厚入口猶似一般朋友都鍾意的牛脷；從第一塊不理你選豬的那一部份開始，朋友十數，不乏名食店老闆，深層次食家，平常家中吃食已然講究精湛的食仙，全數讚不絕口，第一道菜投了降。
這道菜叫滷水大豬嘜，一般直叫「大豬嘜」，需預訂。賣乳豬賣到米芝蓮星的季季紅主人武哥旗下，元朗人喜筵壽酌上任娶新抱弄璋必選「喜尚嘉喜」炮製。豬專家的燒乳豬，蝦禾米（內藏炒飯共燒，吸油甘肉香，受歡迎度百發百中）條數計落，處理豬下水並其他部份怎會不上乘？不過廣粵（潮汕）傳統滷水先上，其搶鏡度未免太叫其他菜式眼紅。過去見滷水雜碎上枱，根本不動箸，下過注目禮便算交待；一般印象，肥、油、鹹、滯。希望下次再來喜尚嘉喜保證今夜大豬嘜之水準。
過去曾數度長期茹素，自上大學一直奉行，或三數月，或一兩年，最終失敗，還是未能放下燒中豬五花腩嘩嘩啦啦的魔鬼誘惑，當然還有脆比天堂燒豬皮……每次有人開口：「今時今日人人瘦身，邊度仲有人食豬㗎……？」
咪住，除非閣下宗教因由，猶太、回教或佛教茹素；避無可避，豬被世人指正汙糟可香氣獨特四時吸引；吃過都避不過，始終回來。
經過長期不吃乜避吃物……都係假，除非大徹大悟洗心革面又或地域遠去搬到冇雷公國度生活習慣大不相同，不然秋來秋去還是回到習慣性的原步起點。無謂下死誓啦，任何事情不要去得太盡太過，平衡便好。